Domaći napitak od 2 sastojka liječi ešerihiju koli: Mogu da ga koriste i djeca! (RECEPT)

Kombinacija limuna i peršuna, sa dodatkom meda i maslinovog ulja, postaje odličan lijek protiv bakterija, naročito Ešerihije koli, piše Stvar ukusa.

Peršun je prava riznica zdravlja, koja se krije u njegovom korijenu i listovima. Pomaže u liječenju mnogih bolesti: od upale prostate, do oticanja nogu, reumatizma, kostobolje, debljine, angine pektoris… U starom Egiptu peršunom su liječili bubrege i mokraćne puteve.

Limun je još jedna od biljaka koju su Egipćani koristili u medicini. Dvije najpoznatije zdravstvene koristi limuna su jako antibakterijsko i antivirusno djelovanje. Kada se udruže limun i peršun, pa se tome dodaju još med i maslinovo ulje dobijemo fantastičan lijek protiv svih bakterija, naročito protiv Ešerihije koli.

Iskustva sa korišćenjem ovog prirodnog lijeka su veoma pozitivna. Pacijenti koji su se godinama borili sa dosadnom ešerihijom, tek nakon upotrebe ovog prirodnog lijeka, uspjeli su da se otarase ove uporne bakterije.

Sastojci:

250 g korijena peršuna,
250 g limuna s korom,
250 g meda,
2 dcl maslinovog ulja.
Med nabavite kod pravog i provjerenog pčelara. Limun treba dobro oprati. Najbolje je da koristite domaći limun, koji nije hemijski tretiran. Ukoliko limun kupujete u prodavnici, zbog pesticida, dobro bi bilo da ga prije upotrebe držite par sati u hladnoj vodi u koju ste dodali malo sode bikarbone. Izvadite limun iz vode i osušite ga, a potom presjecite na pola. Odstranite koštice.

Korijen peršuna je potrebno dobro oprati. Misli se na običan, svježi peršun koji se uzgaja u bašti. U blender zajedno stavite limun, peršun, med, maslinovo ulje i dobro izmiksajte. Ako nemate blender, limun možete da isitnite i u mašini za mljevenje mesa.

Dobićete kašastu masu, koja može da stane u staklenu teglu od 250 g. Čuvati u frižideru. Uzimati po jednu kašiku prije doručka i večere. S obzirom na to da se u ovom lijeku nalaze sve sami prirodni sastojci, mogu da ga uzimaju i trudnice i mala djeca, s tim što djeci treba davati malu, a ne veliku kašiku lijeka.

Izvor: stvarukusa